Kulankan oo u jeedkiisu ahaa ansixinta Siyaasadaย dhuxusha soomaaliya ayaa waxaa soo qaban qaabisay Wasaarada Xanaanada Xoolaha Dhirta iyo Daaqa Soomaaliya oo kaashaneysa heyโadda UNEP, waxaana diirada lagu Saaray sidii la isaga kaashan lahaa joojintaย jaridda iyo dhoofinta dhuxusha oo laga dhaxlo nabaadguur sababa abaaro iyo musiibooyin dabiici ah, waxaana ka qeyb galay Wasiirka Xanaanada Xoolaha Dhirta iyo Daaqa Soomaaliya mudane Xuseen Maxamuud Sheekh Xuseenย , Wasiirada Bii’ada eeย Maamul Goboleedyada, Xubno ka socday xafiiska Raโiisul Wasaaraha ย oo uu ka mid ahaa Agaasimaha Biiโada ee Xafiiska Raiiโsul Wasaarahaย , Aqoonyahano , Iskaashatooyinka dhuxusha, , Haweenka ka ganacsada Dhuxusha iyo marti sharaf kale.
Qaar ka mid ah Aqoonyahanada iyo Qubarada shirka ka qeybgalay ayaa soo bandhigay xogo iyo tusaalooyin ku saabsan dhibaatada nabaad guurka, iyadoo dhinaca kale Wasiirada Maamul Goboleedyada iyo Agaasimaha Biiโada ee Xafiiska Raiiโsul Wasaaraha ay ku dheeraadeen ka hadalka cawaaqib xumada ka dhalan karta hadaan laga hortagin xaalufinta dhirta.
Related posts
Wasiirka Xanaanada Xoolaha Dhirta iyo Daaqa Soomaaliya mudane Xuseen Maxamuud Sheekh Xuseenย oo Shirka furay Ayaa sharaxay u jeedada laga leeyahay ansixinta siyaasadda dhuxusha Qaranka soomaaliya oo laga shaqeenayey muddo halsano ah, wuxuuna tilmaamay in sharcigan uu horseedi doono yareynta dhibaatada deegaaneed ee ka dhalata jaridda dhirta sida Xaalufinta ,Nabaad guurka isbadalka cimiladda iyo daadadka.
Dhinace kale Wasiirka Xanaanada Xoolaha Dhirta iyo Daaqa Soomaaliyaย ayaa sheegay in Dowladda Soomaaliya ay ku dadaashay sidii looga hortagi lahaa xaalufinta dhirta oo uu sheegay in ay dhibaatooyin badan xambaarsantahay.
Siyaasada dhuxusha Qaranka Soomaaliya ayaa loo gudbin doonaa golaha Wasiiradda Soomaaliya, Iyadoo ay xusid mudantahay in Heyโadda Qaramada Midoobay ay ย horey usoo saartay Qaraar ay ku mamnuucday ka ganacsiga iyo dhoofinta Dhuxusha Soomaaliya.
Siyaasadda Dhuxusha
- Waxa ay dalka ka anfacaysaa in la joojiyo dhuxusha laga dhoofiyo Dalka
- Waxa kale oo ay ka caawinaysaa dalka in la nidaamiyo soo saaridda, safrinta gudaha iyo isticmaalka dhuxusha
- Waxa kale oo ay ka caawinaysaa in la helo ilo kale oo tamareed oo yareeya soo saaridda dhuxusha.
- Siyaasadda dhuxushu waxa kale oo ay dalka ka caawinaysaa in dadka ku hawlan soo saaridda iyo ka ganacsiga dhuxusha loo helo ilo kale oo nololeed.
- Siyaasaddan waxa kale oo ay keenaysaa in la yareeyo dhibaatooyinka degaaneed ee ka dhasha jarista dhirta ,sida xaalufka dhirta, nabaadguurka iyo daadadka.
- Siyaasaddan waxa kale oo ay qeyb ka qaadanaysaa yareynta saasmeynta isbeddelka cimilada, helitaanka calafka xoolaha ,quruxda dhulka iyo ilaalinta jiritaanka Noolaha kala duwan.
