Masharuucan oo ay iska kaashanayaan Wasaaradaha Xanaanada Xoolaha Dhirta Iyo Daaqa ee Heer Federaal iyo Heer Maamul Goboleed iyo hey’adaha ka shaqeeya Caafimaadka Xoolaha laguna daaweyn doonaa In ka badan 10 Milyan oo neef oo ku dhaqan dalka oo dhan Ayaa waxaa Maanta si rasmiya u daahfuray Wasiirka Xanaanada Xoolaha Dhirta Iyo Daaqa Soomaaliya Mudane Maxamed Aadan Macallin ( Soomaali ).
Furitaanka mashruuca oo ay ka qeybgaleyn Wasiirada xanaanada Xoolaha ee heer federaal iyo heer maamul goboleed, dhaqaatiir iyo Ururrada ka shaqeeya caafimaadka Xoolaha ayaa waxaa ugu horeyn ka hadlay Agaasimaha guud ee Wasaaradda Xanaanada Xoolaha Soomaaliya Maxamed Cumar Nuur iyo Agaasimaha Waaxda Caafimaadka ee Wasaaradda Dr Cabdirixmaan Nuur Kheyliye waxeyna sheegeyn in daaweyntu ay Muhiimada weyn u leedahay Xoolaha oo ay Dadku aad ugu tiirsanyihiin.
Wasiirka Xanaanada Xoolaha Hirshabelle
Maxamed Ibraahim Cali oo ku hadlay magaca Maamul Goboleedyada ayaa tilmaamay In Xoolaha oo lafdhabar u ah dhaqaalaha dalka
ay u baahanyihiin daryeel joogta ah.
Wasiirka Wasaaradda Xanaanada Xoolaha Dhirta & Daaqa XFS Maxamed aadan Macalin (Soomaali) oo mashruuca furay Ayaa xusay In mashruuca oo ka koobnaan doona laba weji laga fulin doono dalka oo dhan, islamarkaana ay ka faaiideysan doonaan Xoola dhaqtada ku
Nool Miyiga iyo Magaalada intaba.
Wasiir Maxamed Soomaali ayaa dhinaca kale xusay Inay ka Wasaarad ahaan ku howlanyihiin sidii meesha looga saari lahaa warbixinada qaldan ee laga faafiyay Xoolaha Soomaaliya oo kamida ilaha dhaqaale ee Dalka ugu muhiimsan.
