Masharuucaan oo Cudurada Sambabka ku dhaca looga talaali doonaa In ka badan 14 milyan oo Ari ah, oo ku dhaqan guud ahaan dalka, ayaa waxaa soo qaban qaabisay Wasaaradda Xanaanada Xoolaha Dhirta iyo Daaqa Soomaaliya, waxaana ka qeybgalay Wasiirada Xanaanada Xoolaha ee heer Federaal iyo heer maamul goboleed, Masuuliyiin ka socday xafiiska Raβiisul wasaaraha Soomaaliya, Ururada ka shaqeeya Xanaanada Xoolaha ,dhaqaatiir iyo marti sharaf kale.
Qaar kamida masuuliyiinta ka qeyb barnaamijka ayaa sheegay In uu talaalkan muhiim yahay, islamarkaana loo baahanyahay in ay ka faaiiβdeystaan xoolo dhaqatada Soomaaliyeed ee ku dhaqan dalka oo dhan, si loo helo xoolo caafimaadkoodu dhameystiranyahay.
Related posts
Wasiirka Xanaanada Xoolaha Dhirta iyo Daaqa Soomaaliya, Xuseen Maxamuud Sheekh Xuseen oo mashruuca daahfuray, Ayaa ku dheeraaday ka hadalka qiimaha ay xoolaha u leeyhiin dhaqalaha dalka, Wuxuuna tilmaamay in mashruucaan uu muhiimad gaara u leeyahay xoolaha iyo dadka intaba maadaama talaalka uu ka hortagayo cuduro badan oo ku dhaca xoolaha oo ay dadka Soomaaliyeed cuno iyo ganacsiba u isticmaalaan.
Xuseen Maxamuud Sheekh Xuseen wasiirka Xanaanda Xoolaha Soomaaliya ayaa dhinaca kale xusay in uu korar ku yimid dhoofinta xoolaha Soomaaliya, islamarkaana sanadkaan la dhoofiyay In kabadan Saddex milyan oo neef, hadana ay qorsheenayaan in ay sare u qaadaan dhoofinta xoolaha oo sanadkaan la gaarsiin doono ku dahawaad Shan Milyan oo neef, maadama ay dalal badan oo ay ka midyihiin Cumaan iyo Qatar ay diyaar u yihiin in ay qaataan xoolaha Soomaaliya oo dhameystiray shuruudihii looga baahnaa.
Wasaaradda Xanaanada Xoolaha Dhirta iyo Daaqa Soomaaliya, ayaa dadaal ugu jirta sidii Xoolaha Soomaaliya looga ciribtiri lahaa cudurada qatarta ah ee ku dhaca, si loo helo Xoolo caafimaadkooda la isku haleyn karo oo loo iibgeeyo dalalka kala duwan ee caalamka, taas oo qeyb weyn ka qaadan doonta kobaca dhaqaale ee dalka.
