Ilaahay naxariista janno haka waraabiyo waxa magaalada Nairobi ku geeryooday Wasiirkii hore ee Gaashaandigga Soomaaliya Jeneraal Cabdiraxmaan Maxamuud Cali-Bayr.
Marxuum Cabdiraxmaan wuxuu jagooyin kala duwan ka soo qabtay ciidanka Qaranka Soomaaliyeed, sida Taliyihii qeybta 60-aad ee Baydhabo, madaxa howlgelinta ciidanka Qaranaka, milatari ataajiiga Soomaaliya ee Ciraaq iyo Mareykanka, madaxa xiriirka Arrimaha Dibadda ee Wasaaradda Gaashaandhiga, Xildhibaan iyo Wasiir Gaashaandhiga.
Madaxda Dawladda Federaalka ayaa tacsi gaar ah u diray ehelkii, asxaabtii iyo Ummadda Soomaaliyeed ee uu ka geeryooday Jeneraal Cabdiraxmaan Cali-bayr.
Marxuum Cabdiraxmaan wuxuu ku dhashay magaaladda Laas Qoray ee Gobolka Sanaag sanadkii 1935. Marxuumku wuxuu waxbarashadiisii militariga ku soo qaatay wadamada Masar iyo dawladii hore ee Midowga Soofiyeet-ka (dalka Ruushka) oo laba jeer waxbarasho militari loogu diray.
Wuxuu kaloo waxbarsho la xiriirta militariga ku qaatay dalka Mareykanka. Marxuum Cabdiraxmaan wuxuu ka qeyb galay dagaalkii 1964 oo uu ku dhawaacmay, biladna lagu siiyey. Alle ha u naxariisto Jeneraal Beyr.
