Wasiirada Cadaalada iyo Awqaafta Koonfur Galbeed oo maalintii labaad ku sugan magaalada Xuddur, ayaa xafiiska guddoomiyaha gobolka Bakool ku qaabilay guddoomiyaha degmada Xuddur, ku xigeenadiisa iyo mas’uuliyiinta kale.
Safarka wasiirada ayaa waxay la xiriirta xalinta khilaaf ka taagan maamulka Masaajidka weyn ee magaalada Xuddur oo dhowaan halkaas laga dhisay.
Masaajidka weyn ee magaalada Xuddur oo dhismihiisa uu socday, muddo Seddex Sano iyo bar ah, ayaa waxa la daahfurey 11-08-2021, intaa wixi ka dambeeyey waxaa khilaaf ka taagan yahay cidda noqoneysa Imaamnka Masaajidka, Wasiirka Caddaalada iyo Wasiirka Awqaafta iyo arrimaha Diinta Koonfur Galbeed, waxana kulamo la qaadan doonaan culimada iyo wax garadka si Masaajidka loogu dhiibo cidda ku haboon oo mas’uuliyadiisa hanan karta.
Wasiirka Cadaalada Koonfur Gakbeed Xasan Ibraahim Lubuur iyo Wasiirka Awqaafta iyo Arrimaha diinta oo kulanka ka dib warbaahinta la hadlay ayaa u mahadceliyey guddiga dhismaha Masaajidka iyo dhamaan Ummada muslimka ah ee ka qeyb qaadatay dhismihiisa.
