Wasiiro ka tirsan Maamul Goboleedka Koofur galbeed ayaa maanta kormeer ku tegay Degmada Waajid ee Gobolka Bakool si ay usoo qiimeeyaan xaaladaha beni’aadanimo ee ka jira Degmadaasi.
Wafdiga waxa hogaaminayay Wasiirka arrimaha gudaha iyo dowladaha Hoose Maamulka Koonfurgalbeed Cabdiraxmaan Ibraahim Aadan, Wasiirka Caafimaadka ee Koonfurgalbeed Isaaq Cali, Wasiirka amniga gudaha ee Koonfurgalbeed Cabdifitaax Ibraahim Maxamed Geeseey, waxaana garoonka diyaaradaha ku soo dhaweeyay mas’uuliyiin ka tirsan maamulka Waajid.
Ujeedka socdaalka wafdiga ayaa ah mid ay ugu kuur galayaan xaaladaha beni’aadanimo ee magaalada, maadaama ay tahay meel ay horey u go’doomiyeen maleeshiyaadka Al-Shabaab, waxaana ay booqdeen xarumaha waxbarashada, isbitaalka iyo xarunta kale oo lagu tababarayo 350 askari oo ka mid noqonaya ciidanka maamulka Koonfurgalbeed.
Wasiirka amniga gudaha ee Koonfurgalbeed Cabdifitaax Ibraahim Maxamed Geeseey,oo ka haday goobta ayaa sheegay in ciidanka dhawaan loo keeni doono hub ay ku howlgalaan, si guud ahaan gobolka ay uga cirib tiri lahaayeen maleeshiyaadka Al-Shabaab.
Wafdiga waxa ay dhagax dhig ku sameeyeen goob lagu iibin doono hilibka oo noqoneysa kawaan, waxaana ay booqdeen xarumo
