Wasiiru dawlaha Wasaaradda Ganacsiga iyo Warshadaha Xukuumadda Federaalka Soomaaliya Mudane Cabdisalam Shariif Xuseen, ayaa maanta booqasho ugu tagay qoyska Alle ha u naxariistee Marxuum Abuukar Maxamed Nuuraani oo ahaa ganacsade Soomaaliyeed kaas oo gacan ka xaqdarani ay ku dishay goobtiisii ganacsi ee degmada Xamarweyne.
Wasiirka, ayaa u duceeyey Marxuumka in Eebe ka waraabiyo naxariistisii Jannatul Fardowsa, waxaana uu ehalada Marxuumka la wadaagay inay heli doonaan cadaalad sida horey uu u balan qaaday Madaxweynaha Jamuuriyada Federaalka Soomaaliya Mudane Dr Xassan Sheekh Maxamuud.
Mudane Cabdisalam Shariif, wuxu carabka ku dhuftay in ganacsatadu aanay mudnayn dil iyo dhibbaatayn, maadaama ay ka qeyb qaadanayaan shaqo abuurka iyo horumarka dhaqaale ee dalka.
