Wasiiru dowlaha Wasaaradda Waxbarashada Hiddaha iyo tacliinta Sare ee Xukuumadda Federaalka Soomaaliya Mudane Cabdiraxmaan Maxamuud Cabdulle [Jaabir] iyo safiirka dawladda Masar u jooga Soomaaliya Danjire Maxamed Ibraahim ayaa maanta kormeeray dugsiga 15 May ee magaalada Muqdisho
Dugsiga 15 may oo ay gacanta ku heyso dawladda Masar ayaa waxa dhigta in ka badan 400 oo arday Soomaliyeed, isla markana ay wax baraan macallimiin u dhalatay dalka Masar.
Wasiiru dawlaha Waxbarashada iyo safiirka dawladda Masar u joogo Soomaaliya ayaa la kumay macalimiinta wax bara arday Soomaaliyeed, waxaana macalimiinta ay soo bandhigeen qaabka ay wax u baraan arday Soomaaliyeed.
Wasiiru dawlaha Wasaaradda Waxbarshada Xukuumadda Federaalka Soomaaliya ayaa u mahad celiyay dowladda Masar dadaalada horumarined ee ay ka wado dalkeena.
“Waxaa muhiim ah inaan oggaano Waxbarashada carruurta Soomaaliyeed waxaa boggaadin mudan tayada Waxbarsho oo ay helaan ardayda Soomaaliyeed oo ay siisay dawladda Masar, waxaan kala hadlay safiirka dawladda Masar horumarinta Waxbarashada ardeyda Soomaaliyeed, waxaana rajo wanaagsan ka qabnaa anagga oo kaashaneyno Masar in aan sii horumarin doona waxbarashada ardaydeena” ayuu yiri Wasiiru dowlaha Wasaaradda Waxbarashada XFS.
Safiirka Masar u fadhiya Soomaaliya Danjire Maxamed Ibraahim ayaa sheegay in Soomaaliya iyo Masar uu ka dhexeeyo xiriir taariikhi ah, kaasi oo salka ku haya iskaashiga dhinacyada Waxbarashada, Caafimaadka, iyo siyaasadda, waxaana uu u mahadceliyay maamulka iyo cid kasta oo tageerta iskuulka 15 May.
