Odayaasha dhaqan magaaladda Dhuusamareeb ee xarunta maamulka Galmudug ayaa maanta qado sharaf u sameeyay qaar ka mida Ergada ka qeyb galeysa shirka dib u heshiisiinta Galmudug ee ku sugan magaaladaasi.
Sidoo kale qado sharafta waxaa ka qeyb galay xubnaha gudiga dib u heshiisiinta Galmudug oo uu ka mid yahay Gudoomiyaha gudigaas Proff. C/raxmaan Cabdullaahi Baadiyoow.
Gudoomiyaha gudiga dib u heshiisiinta Galmudug Proff. C/raxmaan Cabdullaahi Baadiyoow ayaa bulshada magaalada Dhuusamareeb uga mahad celiyay marti soorka iyo soo dhaweynta balaaran ee ay u sameeyeen bulshada ka qeyb galeysa shirka dib u heshiisiinta Galmudug.
Magaalada Dhuusamareeb ee xarunta maamulka Galmudug ayaa la filayaa in maalmaha soo socda uu ka furmo shirka dib u heshiisiinta dadka wada dega deegaanada maamulka Galmudug.
0
