Al-Shabaab oo sanado badan wada Dagaal ay ku xasuuqeen kumanaan Qof, welina haya isla wadadaas waxaa mudan in aan iswaydiino halka ay nala rabaan kooxdan caadeysatay dhiiga Ummadda Soomaaliyeed oo ah..
Haddiiba aan iska aqbalilahayn rabitaankooda cabsi awgeed, wuxuu ku dhamaanayaa isla halka ay nagu cabsigalinayaan oo ah in ay ina dilayaan oo ay inoo geystaan xasuuq.
Tusaale mudan dul istaag waa sheekadii Saalax Nuux Ismaaciil (Badbaado).
Saalax isaga oo Xildhibaan ah ayuu cabsi uu ka qabo argagixisada Al-Shabaab darteed, iyaga isugu dhiibay si uu uga badbaado, balse maxaa dhacay?
Waxeey geeyeen xabsi muddo kaddibna waxay u soo xambaareen gaari qarax wada, ugu dambayna waxay dileen isagoo Daalim ah oo sii martay dad kale oo Muslimiin ah, Noloshiisana waxay kusoo afjareen, isla halkii uu ka cararayay!
Hadaba Shabaaboow haddii halkaad larabtaan dadka ay tahay geeri aad gardarantahay, waxaa ka haboon Geeri lagaa gardaranyahay.
Majiro qorshe aan ahayn dhimo adigoo gacmaha ku sita dhiig Muslimiin Madluumiin ah oo aan idinka hayno sidaas awgeed inooma furna wax aan ahayn dhimo adiga oo Madluum ah ama nooloow adigoo ka adkaaday fikirka shaydaanka.
Amaanna Allaah.
W/D: Cabdiraxmaan Yuusuf Sheekh Al-Cadaalla
