Waxgaradka ka soo jeeda gobolka Galgaduud ayaa ku baaqay in la joojiyo dagaalladii ka dhacay deegaanno hoos yimaada Soohdinta kala qeybisa Soomaaliya iyo Ethiopia, waxaana ay Madaxda Dowladda Federaalka ah ee Soomaaliyo kuwa Dowlad deegaanka Ethiopia in arrimahaasi ay wax ka qabtaan.
Nabadoon Cumar Salaad Naxar oo ku sugan degmada Guriceel ayaa ku baaqay in la joojiyo colaadda ka taagan bulshada u dhexeysa xadka kala qeybiya Soomaaliya iyo Ethiopia, waxaana uu dowladda Federaalka ah ee Soomaaliya ka codsaday inay gacan ka geysato sidii arrimahaasi wax looga qaban lahaa.
Dadkii waxyeelada ay ka soo gareen dagaaladii socday mudada 4-ta maalin ee la soo dhaafay ayaa waxaa la gaarsiyay Isbitaalka Istarliin ee degmada Guriceel, waxaana Dr Cali Cumar oo ah Agaasimaha Isbitaalkaasi Warbaahinta Qaranka u sheegay in ay Isbitaalka ka jirto dawi yari.
Dagaallo gestay dhimasho iyo dhaawac oo socday mudo 4 maalin ah ayaa waxa ay ka dhaceen Tulooyinka Kheeydar, Toosan dheer, balidhiig iyo kuwa kale, kuwaa oo dhamaan dhaca gobolka Galgaduud xadka uu la leeyahay Ethiopia, waxaana dagaalkaasi u dhaxeeya ciidanka New boolis ee ciidanka ismaamulka Ethiopia iyo dadka degaanadaasi inkastoo aan la ogeyn ujeedka ka danbeeya dagaaladaasi.
