Waxgaradka deegaannada Galmudug ayaa soo dhaweeyay magacaabista Guddiga qaban qaabada Shirweynaha dib u heshiisiinta Beelaha dega deegaannada Galmudug oo ay dhawaan magacaawday Wasaaradda arrimaha Gudaha federaalka iyo dib u heshiisiinta dowladda Soomaaliya.
Suldaan C/naasir Jaamac Seed oo la hadlay Radio Muqdisho ayaa tilmaamay in guddigaan uu muhiim u yahay geedi socodka Nabadda dowlad Goboleedka Galmudug si loo dardar geliyo dib u heshiisiinta.
Sidoo kale Suldaan C/naasir ayaa sheegay in guddiga ay hortaallo shaqo adag, isagoo ugu baaqay in ay ka shaqeeyaan isku keenida dadka dega deegaannada Galmudug, waxa uuna sidoo kale uga mahadceliyay Ra’iisul wasaaraha XFS dadaallada uu ka wado dowlad Goboleedka Galmudug si loo helo Galmudug loo dhanyahay.
HALKAAN KA DHAGEYSO WAREYSIGA
Hadalka waxgaradka ayaa ku soo aadaya xilli dhawaan Wasaaradda arrimaha Gudaha, Federaalka iyo dib u heshiisiinta XFS ay magacaawday Guddiga qaban qaabada Shirweynaha dib u heshiisiinta Maamul Goboleedka Galmudug.
