Wariye Xasan Raasto oo ha Wariyaha Telefishinka Qaranka Soomaaliyeed ee magaalada Oslo ayaa maanta magaaladani Tromsø lagu gudoonsiiyey abaalmarinta qiimeynta shakhsiga ee 2017-ka, taasoo ay si wadajir ah ubixiyeen Hay’adda daweynta iyo dhaqancelinta ee CTR (center for treatment and rehabilitation) iyo Isbitaalka weyn ee woqooyiga Norway ee Tromsø.
Waxaa xafladda oo ka dhacday xarunta dhaqanka ee Tromsø lagu martiqaaday dad aad u fara badan oo ka kala socda isbitaalka Tromsø, goleyaasha deegaanka magaalooyinka Oslo iyo Trondheim iyo jaaliyadda magaalada Tromsø.
Waxaana mas’uuliyiintaas aadka u gu hambalyeesay wariyaha Qaranka Mr.Rasto kamid ahaa xildhibaan Bashe Musse (Ap) oo ka tirsan golaha deegaanka Oslo ,xildhibaan Ismacil Muhyadin (H) oo ka tirsan golaha deegaanka magaalada Trondheim iyo jaaliyadda Tromsø.
Xildhibaannada iyo wariye Rasto ayaa caawa marti ku ah magaaladani Tromsø oo ay ku hoyanayaan, iyadoo la dajiyey Hoteelka caanka ah ee Smart hotel Tromsø .
“Waxaan mar kale leeyahay hambalyo saaxiib horay usoco kuna soo dhowoow Tromsø waxaan urajeynayaa inuu halganka meeshiisa kasii wado Insha ‘Allah” ayuu yiri Wariye Maxamed Cabdiqaadir Daahir oo ka tirsan Warbaahinta Qaranka.
