Marba marka kasii danbeyso waxa isi-soo taraya cabashada dadka ku nool Degmada Buulo-burte ayagoo ka cabanaya xaalado nolaleed ee ka jirto magaalada.
Guddoomiyaha Degmada Feysal Haajir Aadan oo booqday xafadaha qaar ayaa warbixinno ka dhageystay bulshada degmada, ayagoo sheegay in ay nolashooda aad u liidato, madaama waqti jiilal ah lagu jiro, magaaladuna ay go’doon ku jirto.
Dadka ku nolool magalada oo markii hore ladaalaa dhacayay nolashooda ayaa waxa kuso barakacay qoysas reer guraa ah oo ka soo hayaamay tuuloyin iyo deegaanno hoosyimada degmada, mana jirto cid ilaa iyo hadda lasoo gaartay gar-gaar beni’aadannimo.
Buulo-burte isha kaliya ee u furan waa garoonka diyaaradaha, waxaana dadka markii hore ay raashinka soo saaran jireen gawaari si dhumaaleysi ah ku soo gali jiray Degmada ku dhawaad sideed sano, balse ay iminka taasi adkaatay markii ay maleeshiyada Al-Shabaab jidka u galeen gaadiidka imaan jiray degmada.
