Magaalada Qardho wali waxaa ka taagan xaalad adag oo dhanka nolosha ah ,weli Gurmadyadii kala duwanaa waa socdaan gudaha magaalada, hada waxaa ka da’aya Roob aan sidaasi u sii badnayn balse roob xoogan ayaa ku soo socda oo ka muuqda hareeraha magaalada.
Togaga kala duwan ee mara gudaha magaalada sababayna dadaadadkii waxyeelada gaystay waxaa maraya biyo aan sidaasi u sii badnayn.
Guddiga Gurmadka waxay bixinayaan digniino la xiriira in dadku ka baxaan aagaga togaga iyo meelaha godanba si aysan mar kale dhibaato saamayn reebtaa u dhicin.
Inta badan deegaannada Puntland waxaa laga dareemayaa jawi roobaad iyo is badal cimilo, maadaama uu roobka Gu’ga ka curtay deegaannada Puntland.
W/Q: Yuusuf Maxamed (Qardho)
