Xabsigii hore ee magaalada Jowhar oo burbur sanaa ku dhowaad toban sano ayaa si wada jira waxaa u dhagax dhigay Madaxweeynaha dowlad gobaleedka Hir-shabeele Maxamed Cadi Waarre iyo Wasiirka Wasaaradda Cadaaladda ee Xukuumadda Federaalka Soomaaliya Abuukaato Xasan Xuseen Xaaji.
Munaasabada dhagax-dhiga ayaa waxaa goob joog ka ahaa mas’uuliyiin ay ka mid ahaayeen Madaxweyne ku xigeenka Hirshabeelle Cali Cabdulaahi Xuseen Guudlaawe Wasiirada Cadalada & Garsoorka Maamul Goboleedyada iyo Mas’uuliyiin kale.
Ugu horeeyn waxaa goobta ka hadlay Afayeenka Ciidanka Asluubta Soomaaliyeed Sareeyo Guuto Xasan Cumar Afrax ayaa sheegay in dhankooda hawlaha ay u xilsaaranyihiin oo xabsiyadu ka mid yihiin ay gudan doonaan waajibaadka ka saaran.
Wasiirka Cadaaladda iyo Garsoorka ee Xukuumadda Federaalka ah ee Soomaaliya Abuukaato Xasan Xuseen Xaaji ayaa tilmaamay in uu ku faraxsan yahay dhagax dhigga maanta lagu sameeyay xabsiga Jowhar oo dib u dayactir lagu sameynayo.
Madaxweeynaha Dowlad Gobaleedka Hirshabeele Maxamed Cabdi Waarre ayaa xusay in xabsiga uu wax badan ka tari doono maxaabiista lagu hayo saldhigyada magaalooyinka Hirshabeelle.
Abuukar Bacadle Jowhar
