Madaxtooyada Puntland ee magaalada Garoowe waxaa hadda si toos ah uga socota xaflad lagu soo dhaweynayo Wafdigii uu hogaaminayey Ra’iisul wasaaraha Soomaaliya Mudane Cumar Cabdirashiid Cali Sharma’arke oo habeenkii labaad ku sugan magaalada Garoowe ee xarunta dawlad goboleedka Puntland.
Xafladda waxaa kaloo ku sugan Madaxweynaha Puntland Cabdiweli Maxamed Cali Gaas, ku-xigeenkiisa iyo golayaasha kala duwan ee dawlad goboleedka Puntland, waxaa kaloo halkaas ku sugan dadweyne ka qeyb qaadanaya soo dhaweynta wefdiga Ra’iisul wasaaraha.
Goobta xafladda ayaa waxaa madadaalo iyo suugaan kasoo jeedinaya kooxda fannaaniinta Waaberi ee Puntland, waxaa sidoo kale hadallo soo dhaweyn ah soo jeedinaya Waxgarad kasoo qeybgalay xafladda, iyadoo saacado kadibna ay halkaasi khudbado kasoo jeedin doonaan Madaxweynaha Puntland iyo Ra’iisul wasaaraha Soomaaliya.
