Munaasabad lagu soo dhaweynayay Doorashadii Madaxweynaha Jamhuuridda Federaalka ee Soomaaliya Mudane Maxamed Cabdullaahi Maxamed Farmaajo oo lagu qabtay caasimada wadanka Suudaanta Koonfureed ee Juba.
Xafladan oo ay kasoo qeybgaleen Jaaliyadda Soomaaliyeed ee Wadanka Koofur Sudan iyo Diblomaasiyiinta safaaradda Soomaaliya ayaa lagu qabtay maagalada Juba, taasi oo loogu hambalyeynahay Madaxweynaha cusub oo ay sida dimuquraadiyadda leh uu doorteen Xildhibaanada Qaranka.
Waxaana munaasabada soo dhaweynta ah ka hadlay guddoomiye ku xigeenka guddiga ganacsatada Soomaaliyeed ee Koofur Sudan Mudane Xasan Dhaqane Cumar iyo Mudane Cabdifataax Sheekh Maxamed Jamac “Deer” oo ku hadlayay magaca Qaban qaabiyaasha Munaasabada kuwaasi oo u rajeeyey Ummadda Soomaaliyeed horumar iyo dowladanimo waarta.
Guud ahaan kasoo qeyb galasha munaasabada waxa ay si aad ah ugu riyaaqeen guusha Madaxweynaha oo ay ku tilmaameen mid ku timid rabitaanka shacabka Soomaaliyeed ee gudaha iyo Dibadda.
