Taliyaha Ciidanka Booliska Soomaaliyeed Sareeyo Gaas Maxamed Sheekh Xasan Xaamud oo ay wehliyaan teliye ku-xigeenka labaad ee ciidanka booliska iyo saraakill kale ayaa maanta dhagax dhigay dhismo cusub oo laga hirgelinayo xarunta taliska ciidanka Nabadgelyada wadooyinka ee Muqdisho, isagoo dhanka kale tababar u furay gabdho ka tirsan ciidanka booliska oo la barayo sida dawaarka loo talo.
Taliyaha ciidanka Nabad-gelyada wadooyinka Jeneraal Cali Xirsi Barre (Cali Gaab) ayaa sheegey in si iskaa wax u dhiso ah iney ku hirgalinaayaan dhismahan cusub ee manta la dhagax dhigey
Related posts
βAad buu u mahadsanyahay taliyaha haddii uu inaga ogolaadey inoo noo dhagax dhigo dhismahan, Β waxa uuna ka koobnaan doona dhismahan cusub, labo biyaano oo dabaq ah oo afar qol ku kooban xafiisyo lagu shaqeeyo ayey ahaan doonan dhismooyin xafiisyo ahβ ayuu yiri Taliye Cali Gaab.
Taliyaha ciidanka booliska Soomaaliyeed Sareeyo Gaas Maxamed Sheekh Xasan Xaamud ayaa ku amaaney dadaaladan ku dayashada mudan ee ay iskaa wax u qabso dhismo ku hirgelinayaan, isagoo ku baaqay in laga wada qeyb qaato dhismaha xarunta cusub.
βWaxaan qirayaa shaqo culus iney Shacabka u hayan siyasada ciidamada waa iskaa wax u qabso war adigu intaad wax qabsan karto qabso kaddib arag ciddii gacan ku siin karta, anaguna waxaan diyaarinay siyaasad lagu tayeynayo ciidamada booliskaβ ayuu yiri Taliyaha ciidanka booliska.
Sidoo kale taliyaha Ciidanka booliska Soomaaliyeed ayaa waxa uu tababar u furey gabdho ka tirsan ciidamada booliska oo xarun ku taala taliska ciidanka nabad gelyada wadooyinka lagu bari doono dhar tolida, isagoo ganacsatada ugu baaqey tababarada ciidamada iney gacan ka geystaan.
