Munaasabaddan xariga looga jarayay xarun cusub oo ay yeelanayaan ciidamada booliska ee qeybta miino baarista u qaabilsan, waxaa ka qeyb galay Wasiirka Amniga gudaha, taliyaha ciidanka booliska, qeybaha kala dwuan ee ciidanka booliska, saraakiil kale ayaa maanta lagu qabtay Muqdisho.
Munaasabadda ayaa intii ay socotay waxa ay ciidamada halkaasi ku soo bandhigeen dhoola tus ku aadan habka ay miinada u soo saaraan iyo sida looga hortago inay waxyeelo u geysato bulshada marka qarxinayaan, iyadoo dhismaha xarunta cusub ay gacan ka geysatay dowladda Canada.
Related posts
Taliyaha ciidanka booliska Soomaaliyeed Sareeeyo Gaas Maxamed Sheekh Xasan Xaamud oo xafladda hadal kooban ka jeediyay ayaa xusay in ciidanka booliska qeybta miino baarista u qaabilsan ay qabteen howlo muhiim ah, isla markaana ay yihiin koox uu ku faano taliska ciidanka booliska, ayna joogteynayaan tababar siinta ciidamada kale ee booliska.
βKooxdan waa kooxda aan is dhihi karo kooxda ugu horeyso ee booliska Soomaaliyeed oo saddexdii qodob ee aas aasiga ahaa isku heysata, waxaana rajeyneynaa in maalinba qeyb ka mid ah booliska aan u tayeyno, oo qalabkii loo siiyo, oo daryeel ay helaan, waxana kaloo rabaa in aan halkaan amaan uga soo jeediyo taliyaha kooxda Gaashaanle dhexe Cabdikariin oo runtii isagu muujiyay hogaamin wanaagsan, kudayo badan ayay noo leedaya, koox waliba iyo hogaan waliba waxaan laga rabaa inay isku duubnaadaan, isla markaana ay fahmaan waajibaadka looga fadhiyoβ ayuu yiri Taliyaha ciidanka booliska.
Wasiirka amniga gudaha ee Xukuumadda Soomaaliya Mudane Cabdirisaaq Cumar Maxamed ayaa tilmaamay inay tahay tallaabo lagu farxo sida ay ciidamada u tababaranyihiin, isla markaana ay uga goβantahay in shacabka ay ka difaacaan cadowga qaraxyada u maleegaya.
βFarxad ayay ii tahay in aan idinkala qeyb galo munaasabadan lagu furayo xaruntan cusub, runtii ku timid dadaal badan oo ay saraakiishu ku bixiyeen, runti aad iyo aad ayaan ugu faraxsanahay taliyaha meeshan Cabdikariin uu qabtay, waa wax lagu farxo, waa wax noo noqon karto tusaale fiican, waxaan soo jeedinayaa inay ku daysadaan hayβadah kale ee dowladdaβ ayuu yiri Wasiirka Amniga gudaha.
