Wasiirka Wasaaradda Beeraha, Dhirta iyo Daaqa Dowlad Goboleedka Galmudug Mudane; Axmed Nuur Xaaji Cusmaan oo Maanta Dhuusamareeb ku shir Guddoomiyay Shirka Billaha ah ee howl wadeenada Wasaaradda ayaa daah-furay numberka cabasho ee 406 oo dadwaynuhu kusoo gudbin karo weerarada Ayaxu ka geysanayo deegaanada miyiga, si gurmad deg-deg ah goobahaasi u gaaro loona xakameeyo .
Wasaaradda Beeraha Galmudug ayaa ka dalbaday dadka Dagan dhulka Miigga ah inay soo wacaan Xarunta dhexe ee Cabashada oo si bilaash ah dadwaynuhu usoo garaaci karo numberka 406.
Kulanka Wasaaradda ayaa sidoo kale looga Arrinsadey sidii Beeraleyda Galmudug loogu diyaarin lahaa in ay kordhiyaaan wax soo saarkooda xili roobaadka bilaabmaya, isla markaana sare loogu qaadi lahaa gacan siinta ay ka helayaan Wasaaradda iyo hey’addaha Caawinya sida uu sheegay Wasiirka Wasaaradda Beeraha, Dhirta iyo Daaqa Dowlad Goboleedka Galmudug.
Sidoo kale Wasiirka Beeraha Galmudug ayaa kormeeray Xarunta cusub ee Wasaaradda oo laga hirgaliyey Magaalada Dhuusamareeb taasi oo dhismo ahaan ku haboon howlaha Wasaaradda qaybna ka ah dadaalada lagu hormarinayo Wasaaraddan oo ka mid ah kuwa aadka ugu howlan hormarinta Bulshada.
