Munaasabadan oo kulmisay madaxda Isbitaalka Banaadir, Xildhibaanno, Dhaqaatiir, Cilmibaarayaal iyo qeybaha kala duwan ee bahda Caafimaadka ayaa lagu daahfurayey Xarunta cusub ee Cilmi-baarista iyo la socodka cudurada ee Isbitaal Banaadir, Taas oo muhiimad weyn ugu fadhida bahda Caafimaadka.
Xaruntan ayaa shaqooyinka ay qaban doonto waxaa ka mid ah Tababaridda shaqaalaha iyo sameynta cilmibaarisyada Cudurada carruurta si loo yareeyo dhimashada Hooyada iyo Dhallaanka ,sida uu madasha ka sheegay Madaxa qeybta Cilmi-baarista iyo la socodka cudurada ee Isbitaal Banaadir.
Mas’uuliyiinta ayaa xusay In Cilmibaarista caafimaadka ay horseedi doonto horumarka dalka ee xaga culuumta caafimaadka. Dhanka kale waxaa madasha ka hadlay masuuliyiin iyo qubaro aqoon dheeraad ah u leh cilmi baarista.ayagoo bogaadiyay misna balanqaaday wada shaqeyn buuxda.
