Barnaamijkan looga hadlayo xasilinta Deegaanadana Galmudug ayaa maanta lagu qabtay magaalada Dhusamareb waxaana soo qaban qaabiyey Wasaaradda Arrimaha Gudaha ee dowlad Goboleedka Galmudug waxaana ka soo qaybgalay Wasiir ku xigeenka Wasaarada Amniga Galmudug, Xildhibaanno, saraakiisha ciidamada iyo Hama oo ka socday Xafiiska Siyaasada eeย Qaramada Midoobey .
Wasiirka Wasaarada Arimaha Gudaha ee Dowlad Goboleedka Galmudug Maxamed Xayir Nuur ayaa daahfuray Barnaamijkan waxa uuna sheegay in muhiimada shirkani leeyahay ay tahay sidii looga fakari lahaa xasilinta meelaha lagala wareegayo maleeshiyaadka Al-shabaab loona gaarsiin lahaa nidaamka Dowliga ah.
Related posts
Wasiir ku-xigeenka Wasaarada Amniga Galmudug Xaaji Mahad ayaa waxa uu sheegay in xasilintu ay tahay faaโiidooyinka ka dambeeya Amniga, Wasaarada Amniguna ku dadaali doonto inay meelo badan oo ka tirsan Galmudug sidii loo xaqiijin lahaa Amnigooda.
Agaasimaha Wasaaradda Arrimaha Gudaha Galmudug Sacdiyo Saylac ayaa waxa ay ka hadashay Hannaanka Xasilinta Galmudug halka uu haatan marayo oo ay xustay in uu meel wanaagsan marayo, loona baahanyahay in arrintaasi ala sii xoojiyo.
Ugu dambayn Hama oo ka socda Xafiiska Siyaasadda ee Qaramada Midoobey ee UNSOM ayaa waxa uu ka dhawaajiyey in la qaban doono kulamo kale kuwaa oo looga hadli doono xasilinta amniga.
