Kumanaan ka mida Bulshada Soomaaliyeed ee isticmaasha nuucyada kala duwan ee baraha Internetka ayaa si kulul ugu soo bandhigay Mareegahooda gaarka ah, dareenkooda ku aadan Xasuuqii Arxanlaawayaasha Al-shabaab saaka ka geysteen Isgoyska Ex-contorol Afgooye ee magaalada Muqdisho.
Dadka qaar ayaa soo bandhigay astaamo muujinaya sida Argagixisadu xasuuqa ugu geysteen dadka indhaha u ah Bulshada, sida Ardayda waxbarashada.
Sawirada sida weyn u faafay, guud ahaan Ummadda Soomaaliyeed dareenkooda badalayna waxaa ka mida, Sawirada Arday u socotay Jaamacadda Benaadir, qeybteeda deegaanka Garasbaaleey ee magaalada Muqdisho.
Hooyo Soomaaliyeed oo gacanta ku heysa Faleembo, oo lagu dhinac wado Cunug ay dhashay, Isla markaan ooyeysa ayaa ka mida sawirada dareenka Ummadda gilgilay.
Dadka qaar ayaa barahooda uga faa’iideynayay dhibanayaasha in ay ugu baadi goobaan Eheladooda.
Dhiiri gelinta shacabka, xusuusinta qadarka Alle iyo faridda in ay dhiigooda ku sadaqeystaan dhaawacyada ayaa sidoo kale ka mida qoraalada maanta laga hadalhayo Baraha Bulshada.
Si kasta guud shacabka Soomaaliyeed eek u nool dalka dibadiisa iyo gudihiisa ayaa isku mid ah uga dhiidhiyay xasuuqa Arxanlaawayaasha Al-shabaab u geysteen Bulshada Soomaaliyeed.
