Radio Muqdisho iyo Telefishinka Qaranka waxa ay si wadajir ah u billaabayaan Tartan Cilmiyeedka bisha Ramadaan oo ay ka qeybgalayaan 30 degmo oo ka tirsan Gobollada dalka.
Related posts
Barnaamijkan,Β waxaa gabagabadiisa lagu bixin doonaa abaalmarin lacageed iyo koobab, waana sannadkii 6-aad oo aan Qabano tartankan, iyadoo sannadkii saddexaad oo xiriir ah uu maal-gelinayo Maamulka Gobolka Banaadir.
Tartan Cilmiyeedkan wuxuu si toos ah uga bixi doonaa Radio Muqdisho Codka Jamhuuriyadda Soomaaliya iyo Telefashinka Qaranka SNTV, halka akhristayaasheena ay ka daalacan karaan Webpage-ka radiomuqdisho.so iyo sntv.so
Qeybta hoose ka akhri Xeerka Tartanka.
XeerkaTartanka.
1-Β Degmo kasta waa in ay ilaalisaa waqtiga tartanka.
- Degmadu waa in ay xaqiijiso diyaar-garowgeeda tartanka maalin ka hor xilliga uu dhacayo.
- Waa in ay tartamayaashu diyaar ku ahaadaan goobta iyo khadka ay barnaamijka uga qeyb galayaan ugu dambeyn 30 daqiiqo ka hor xilliga tartanka uu billaabanayo oo ah 9:30 Habeennimo.
2-Β Β Β Degmadii maqnaata xilliga tartanka cudurdaar laβaan waxay la mid tahay iyadoo laga badiyay ama (Forfeit) dhibcaha ku weysay.
3-Β Β Β Tartamayaasha waa in ay u tartamaan si asluubleh.
- A- Kooxdii loo arko iney ku sifowday akhlaaq-darro, Guddiga tartanka ayaa goβaan ka qaadan doona.
- B- Goβaanka guddiga waxa uu noqon doonaa dhibcaha tartanka ee habeenkaas
- C- Guddigu waxa uu ka fiirsan doonaan ka qeyb-galka tartanka ee degmadaas
4-Β Β Β Degmadii akhlaaq wanaag muujisa waxay heli doontaa abaalmarin gaar ah.
5-Β Β Tartamayaashii wax tabanaya waxay cabashadooda soo gudbinayaan habeenka ay tartameyso degmadooda, Ma jirto cabasho la dhageysan doono maalinta kale.
6-Β Β Β Suβaalaha loogu talo galay tartanka habeen kasta waa 14 , tartame kastana waxaa la waydiinayaa 7 suβaal, waana la badin karaa haddii ay tartamayaashu kala adkaan waayaan.
7-Β Β Β Tartame kasta waxaa suβaasha loogu celinayaa Saddex Jeer.
8-Β Β Β Waqtiga suβaasha looga jawaabayo waa haldaqiiqo iyo bar ama (90 Second).
9-Β Β Β Xilliga Jawaab bixinta, Tartamayaasha waxaa loo yeerayaa 3 jeer oo kaliya.
10-Β Jawaab kasta oo dhammeystiran waxaa lagu helayaa labo dhibcood.
11-Β Jawaab aan dhammeystirneyn laguma helayo wax dhibco ah.
12-Β Haddii ay suβaashu soo dhaaftoTartamayaashii la waydiiyay, waxaa si ka faaβiideysi ah loogu gudbinayaa kooxda kale.
13- Ka faaβiideysigu ma laha wax waqti ah iyo ku celin toona.
14- Haddii labada kooxoodba ka jawaabi waayaan suβaasha waxaa ka jawaabaya GuddigaTartanka.
15- Jawaabta la qaadanayo waa tan uu bixiyo afhayeenka tartamayaashu soo wakiishaan, khalad iyo sax wixii ay noqotaba.
16- Suβaalaha la waydiinayo tartamayaasha waxay noqon doonaan kuwo isu dhigma.
17-Waxaa mamnuuc ah in Wakiil laba degmo u tartamo
A: Wakiilkaas waxaan u aqoonsannahay degmada uu u diiwaangashan yahay
B: degmada kale ee uu u tartamay waxa ay waayi doonaan dhibcaha tartanka
18-Haddii mid ka mid ah degmooyinka tartamaya uu telefoonku kagoβo ama ay si ulakac ah u gooyaan, Guddiga garsoorka tartanku waxa ay xaq u leeyihiin:
- In ay suβaasha baddelaan.
- In ay isla suβaashii waydiiyaan.
- Qasab ma ahan in suβaasha dambe la mid ahaato suβaashii hore.
18-Β Natiijada rasmiga ah ee tartan kasta waa midka uu ku dhawaaqo Guddiga marka tartanka la soo gabagabeeyo habeen kasta.
19- Guddiga Tartanka wuxuu ka digayaa wixii anshax xumo ah ee tartanka wax u dhimaya, sida khishka, laaluushka IWM, Tartamayaashii lagu helo waxyaabahaas ama wax u dhigma Guddiga wuxuu ka qaadanayaa goβaan adag.
