Xildhibaan Geelle Isaaq Warsame oo ka tirsan Baarlamaanka Dowlad goboleedka Hirshabeelle ahna guddoomiyaha Guddiga amniga ee Hishabeelle ayaa ku baaqay in gaariga dhawaan lagu qabtay magaalada Boosaaso ay iska leeyihiin dad rayid ah oo aan ku lug lahayn dadkii saartay waxyaabaha qarxa, isagoo xusay wadaha gaariga uusan kiiskaasi ku lug lahayn.
Xildhibaanka oo la hadlay Radio Muqdisho ayaa sheegay inay gacanta ku hayaan ninkii geed fadhiga u ahaa dadkii saartay waxyaabaha qarxa, isagoo xusay inay xiriir la sameeyeen Mass’uuliyiinta maamulka Puntland oo ku aadan sidii loo sii deyn lahaa Wadaha gaariga iyo caawiyeyaashiisa oo aan wax shaqo ah ku lahayn kiiska baabuurka lagu qabtay.
“Baabuurka waxaa iska leh dad rayid ah oo an ku shaqo lahayn falalka qaraxyada, dadkii saartay kartoonka qaraxa ninkii halkan ka raray gaariga ee Beladweyne gacanta ayaan ku dhignay, iyaguna waxaa ay hayaan ciidamada Puntland ninkii kartoonka qaraxa ku waday ee doonayay in uu falal argagixiso geesysto, mana jirto qof baabuurkiisa ku badalanaya kartoonyar oo ay kujiraan qaraxyo”
Dhawaan ayay ahayd markii ciidamada Puntland ay gacanta ku dhigeen gaari saarnaa qudaar oo lagu soo qariyay waxyaabaha qarxa.
Halkan ka dhageyso
