Guddoomiyaha gudiga dastuuurka ee Baarlmaanka Soomaaliya Xildhibaan Maryan Cariif Qaasim oo ku sugan dalka Thailand ayaa waxaa kulan soo dhaweeyn ah u sameyay Jaalidda Soomaaliyeed ee ku sugan dalkaasi, iyadoo uga warbixisay xaaladda uu dalka marayo.
Qaar ka mid ah Jaalidda Soomaaliyeed ee ku nool dalka Thailand ayaa Xildhibaanada uga warbaxiyay sida ay isugu xiranyahiin Jaaliyadda, isla markaana sheegay in ay diyaar u yahiin ka qeyb qaadasha dib u dhiska iyo horumarka dalka.
Guddoomiyaha Guddiga Dastuurka ee Golaha shacabka Xildhibaan Maryan Cariif Qaasim oo kulanka hadal kooban ka jeedisay ayaa ku boorisay qurba joogta in ay dalka yimaadaan, ayna ka qeyb qaataan dib u dhiska iyo horumarka dalka
Xildhibaan Maryan Cariif ayaa tilmaamtay in dalka xilligan meel wanaaagsan marayo jaaliyadda Soomaaliyeed ee ku kala sugan Wadamada Yurub iyo Ameerika, in ay ku kala hormaraan dhismaha dalka, isagoo intaa ku dartay in dalka hormarkiisa qeybta ugu wayn ay door shariif ah ka qaateen qurba joogta Soomaaliyeed oo meherado ganacsi ka hirgeliyay caasimadda iyo meelo kale oo ka baxsan Muqdisho.
Kulanka soo dhaweynta ah ee loo sameeyay Xidlhibaan Maryan Cariif Qaasim ayaa imaanayo xilli ay howlo shaqo ku mareyso qaar ka mid ah dalalka Asia iyo Yurub.
