Wafdi uu hoggaaminayo Xildhibaan Maxamed Caddow oo ka tirsan Baarlamaanka dalka Kenya ayaa maanta lagu soo dhoweeyay garoonka Aadan Cadde ee Magaalada Muqdisho.
Munaasabadda soo dhaweynta wafiga oo lagu qabtay Garoonka Aadan Cadde ee Muqdisho waxa kasoo qeyb galay Wasiiro, Xildhibaanno ka tirsan labada Gole ee dowladda Soomaaliya iyo mas’uuliyiin kale.
Xildhibaan Maxamed Caddow oo la hadlay Warbaahinta ayaa mahadcelinta soo dhoweyntiisa kadib sheegay in uu ku faraxsanyahy xiriirka qotada ddheer ee uu dhaxeeya Soomaaliya iyo Kenya oo meel wanaagsan marayo.
“Waxaan ku faraxasanahay xiriirka soo jireenka ah ee uu dhaxeeyo Soomaaliya iyo Kenya oo maalinba maalinka ka dambeyso sii xoogeysanayo,ummadda Soomaaliyeed ee ku dhaqan dalka Kenya waa xubin muhiim ah oo aan la dhayalsan karin sida ay uga dhax muuqdaan horumarada kala duwan ee dalka ka socdo””. Ayuu yiri Xildhibaan Maxamed Caddow
Masuuliyiinta kale ee ka qeybgashay soo dhoweynta Xildhibaanka ayaa ddhamaantood muujiyay sida ay ugu farxsanyihiiin soo dhoweynta Xilidhibaanka iyo xiriirka wanaagsan ee ka dhaxeeya labada dal.
