Allaha u naxariistee waxaa maanta qabuuraha Isbitaal Madiina ee magaalada Muqdisho lagu aasay Xildhibaan Saciid Xasan Geeddi oo xalay ku geeriyooday Isbitaalka Erdogan halkaasoo maalmihii la soo dhaafay uu ku xanuunsanayay.
Aaska Marxuumka ayaa waxaa ka qeyb galay Xildhibaanada labada Gole ee Aqalka Sare iyo Golaha shacabka, Wasiiro, saraakiil ciidan iyo mas’uuliyiin hore ee Soomaaliya.
.Xildhibaanka ayaa muddooyinkan hayay xanuunka dhiig-karka ah, waxaana la seexiyay Isbitaal, waxaa uu ahaa Xildhibaanka kaliya ee ka maqnaa doorashadii Madaxweynaha ee dhacday Arbacadii la soo dhaafay.
Waa Xildhibaankii labaad oo ka tirsan Baarlamaanka cusub oo geeriyooda, bishii November ayaa Xildhibaan lagu doortay Garowe uu xanuun u geeriyooday, todobaad kadib markii la doortay.
