Xildhibaannada golaha shacabka ayaa maanta ka dooday ku noqoshada miisaaniyadda dowladda 2018-ka oo ay soo gudbisay Wasaaradda Maaliyadda.
Related posts
Kulanka oo uu shir Guddoominayay Guddoomiye ku-xigeenka labaad ee Golaha Shacabka Mudane Mahad Cabdalla Cawad ayaa waxaa soo xaadiray 148 Xildhibaan.
Xildhibaannada Golaha Shacabka ayaa dood dheer ka yeeshay ku noqoshada miisaaniyadda, waxaana ay ย soo bandhigeen talooyin ku saabsan noqoshada miisaaniyadda iyo meelaha u baahan sixitaanka.
Sidoo kale Xildhibaannada qaar ayaa soo jeediyay in si deg deg ah lagu ansixiyo ku noqoshada miisaaniyadda 2018-ka oo ay ku jiraan xuquuqda iyo mushaarka ciidamada dowladda.
Wasiirka Wasaaradda Maaliyadda ee Xukuumadda Soomaaliya Mudane Cabdiraxmaan Ducaale Bayle ayaa Xildhibaannada ka codsaday in la ansixiyo.
Dood dheer iyo dhageysi talooyinka Xildhibaannada ka dib waxaa Guddiga Maaliyadda la faray in ay ka soo shaqeeyaan arrintaan, kana soo dhigaan qaraar, Golaha Shacabkana usoo gudbiyaan maalinta Arbacada.
Guddoomiye ku-xigeenka labaad ee Golaha Shacabka mudane Mahad Cabdalla Cawad ayaa sheegay in Golaha Shacabka uu arrintaan ku wareejiyay Guddiga Maaliyadda si loogu soo dhigo qaraar.
โWasiir anagu waxan ansixinaa qaraar uu Guddi soo diyaariyay, hadaba deg degta jirta awgeed Guddiga Maaliyadda iyo Miisaaniyadda inoogu xil saaran, waxaan ka rabnaa iney arrinkaan ka soo shaqeeyaan oo ay noo keen Arbacada, si golaha uu u ansixiyo qaraar cad oo dhan walbo laga soo diyaariyayโ. ayuu yiri Guddoomiye Mahad.
Dhanka kale Wasiirka Wasaaradda Gaadiidka iyo Duulista Hawada ee Xukuumadda Soomaaliya mudane Maxamed Cabdullaahi Salaad โ Oomaarโ ayaa Xildhibaannada Golaha Shacabka ka hor akhriyay xeerka Hayโadda duulista Rayidka iyo Saadaasha Hawada.
Wasiirka ayaa sheegay in xeerkan uu muhiim u yahay dalka wax badan oo horumar ahna laga gaari doono hadii Golaha Shacabka ay ansixiyaan.
โHindise sharciyeedkan waxa uu aas aas u yahay Hayโadda Duulista rayidka Soomaaliyeed waa muhiim in si wadajir ah loogu shaqeeyo si caalamka aan ula tartannoโ. Ayuu yiri Wasiir Oomaar.
ย 
