Xildhibaanno ka tirsan Baarlamaanka Federaalka ah ee Soomaaliya ayaa magaalada Nairobi waxaa ugu soo gaba gaboobay kulan howleed ku saabsan dib u eegidda sharcigga Maaliyadda Soomaaliya, waxaana kulanka soo xiray safiirka Dowladda Soomaaliya u fadhiya dalka Kenya.
Kulanka oo socday muddo 12 maalin ah, ayna ka qeyb galeen 15 Mudane ayaa ayaa waxa looga hadlayay dib u eegidda sharcigga Maaliyadda Soomaaliya, waxaana kulanka hormuud ka ahaa Wasaaradda Maaliyadda ee dowladda Federaalka Soomaaliya.
Related posts
Guddoomiyaha guddiga maaliyadda ee baarlamaanka Soomaaliya Xildhibaan Samaan Maxamed Sheekh Daahir oo kullanka kaddib la hadlay Warbaahinta Qaranka ayaa ka warbixiyay muhiimadda kullanka.
โSharcigan wax wey ayuu ka tarayaa xafidaada hantida Ummadda iyo la dagaallanka musuq maasuqa , ka faaโideysiga hantida Qaranka oo si shaqsi ama gaar ah si ka duwan sida loogu tala galay looga faaโiideysto ayuu wax weyn ka tarayaa sharciganโayuu yiri Xildhibaan Samaan.
Safiirka dowladda Soomaaliya u fadhiya dalka Kenya Danjire Jamaal Maxamed Xasan oo soo xiray kulanka ayaa u mahadceliyay mudanayaasha Baarlamaanka ee kulanka soo agaasimay, isagoo ugu hambaleeyay howsha ay u hayaan shacabka Soomaaliyeed.
โWaxaa halkaan lagu soo gagabeeyay qabyo qoraalkii Public Finance Management Act, runtii marka aadย fiirisid sharcigaan waa mid aad iyo aad u muhiim u ah,ย waxaan rajeynaa hadii ale idmo marka Barlamanka la horgeeyo sida ugu dhaqsiyaha badan inย loo ansaxiyoโ.ayuu yiri Danjire Jamaal.
By-Cumar Caaqil
