Xildhibaannadaan ka tirsan baarlamaanka Hirshabeelle oo deegaan doorashadoodu tahay degmada Warsheekh ee gobolka shabeellaha dhexe ayaa kulamo la qaatay golaha deegaanka iyo ururada bulshada rayidka ee degmada.
Kulanka ayaa waxaa looga hadlay waxyaabaha asaasiga ah ee bulshadu u baahantahay in wax laga qabto xilligaan,iyadoo warbixin looga dhageystay maamulka golaha deegaanka.
Sidoo kale xildhibaannada oo ay wehliyaan masuuliyiinta golaha deegaanka waxey kormeereen mashaariic horumarineed oo laga fuliyay degmada Warsheekh sida xarunta degmada,iskuulka degmada,isbitaalka,xarunta korontada siisa degmada, xarumaha lagu keydiyo kaluunka oo lagu qalabeeyay qaboojiyeyaasha kaluunka iyo xarunta Maxkamadda degmada.
Xildhibaannada dowlad goboleedka Hirshabeelle ee deegaan doorashadoodu tahay degmada Warsheekh ayaa maalmihii lasoo dhaafay waday kormeero ay ku sameeynayeen mashaariicda Hirshabeelle ay ka fulisay degmada, iyagoo kulamo is-xog waresi ah la qaadanayey bulshada qeybaheeda kala duwan.
