Xildhibaanno ka tirsan Baarlamaanka JFS ayaa ka qeybgalay shirka yareynta khatarta abaarta ku dhufatay Soomaaliya ee ka socda magaalada Nairobi ee dalka Kenya.
Shirkan loogu gogol xaarayo yagleelidda qorshe lagu yareeynayo khatarta abaarta ee haatan ka jirta Soomaaliya, oo ay wadajir u soo qaban qaabiyeen Hayโadda SoDMA iyo Hayโadda ARC, isla markaana galay maalintii 3-aad ayaa waxaa ku soo biiray xubno ka socday Baarlamaanka JFS oo kala matalayay Guddiga Maaliyadda, Guddiga Arrinaha gudaha iyo Gudiga u qaabilsan Baarlamaanka arrimaha beeraha.
Related posts
Kulanka oo diiradda lagu saaray xaaladda abaarta ee ka sii dareyso, loo baahanyahay in Hayโadaha dowladda ay u midoobaan sidii wax looga qaban lahaa daruufta soo wajaheysa muwaadiniinta Soomaaliyeed.
Madaxda Hayโadda SoDMA iyo hayโadaha kale ee shaqo wadaagga la ah SoDMA ee kala ah ARC, START NETWORK iyo WFP ayaa waxa ay warbixin ka siiyeen xubnihii ka socday guddiyada Baarlamaanka JFS nidaamka ceymiska looga gaashaanto abaaraha oo ay Soomaaliya xubin ka tahay, iyadoo Xildhibaannadu ay su’aalo la xiriira arrintaas ka weydiiyeen Madaxda Hayโadaha kala duwan ee shirka qaban qaabiyay.
Maalinta Jimcaha ah ayaa la filayaa in shirka la soo gabagabeeyo oo ay ka soo baxaan talaabooyin wax ku ool ah oo dan u ah bulshada Soomaaliyeed.
