Guddoomiye Ku-xigeenka Koowaad ee Golaha Shacabka Baarlamaanka Jamhuuriyadda Federaalka Soomaaliya Marwo Sacdiyo Yaasiin Xaaji Samatar ayaa maanta shir guddoomisay kulanka guddiga Joogtada ah ee Golaha Shacabka BJFS, kaas oo looga hadlayay furitaanka kalfadhigga 3-aad ee Golaha Shacabka BJFS.
Kulanka Guddiga joogtada oo ay goobjoog ahaayeen xubnaha Guddiga,ayaa waxaa ku weheliyay Guddoomiye ku-xigeenka labaad Mudane Cabdullahi Cumar (Abshirow) waxaana laga dooday ajandayaasha hortebinta u leh Golaha iyo waqtiga rasmiga ah uu golaha furmaayo.
Shirka ayaa waxaa lagu go’aamiyay in 29-ka May 2023-ka oo ku beegan maalin Isniin ah uu furmo kalfadhiga 3-aad ee Baarlamaanka 11aad ee JFS.
