Xisbiga Daljir ayaa maanta deeq lacageed guddoonsiisay carruur agoon ah oo Jimciyadda SOHEDA ay gacanta ku heyso, kaasi oo loogu talagalay inay ku iibsadaan dhar, waxaana ka qeyb galay Xildhibaanno, siyaasiyiin iyo dad kale.
Deeqda lacagta oo gaareysay saddex boqol oo doolarka Mareykanka ayaa waxaa goobta ka hadashay Dahraan Muuse Xaaji oo ku hadlay afka Qurbo joogta ee munaasabadda ka qeyb gashay ayaa ka mahadcelisay sida loogu gurmaday carruurta agoonta ah.
Xoghayaha Xisbiga Xisbiga Daljir Xasan Xaaji Ibraahim ayaa tilmaamay in carruurta agoonta ay mudanyihiin intan ka badan, isagoo ku baaqay in carruurta agoonta ah la gar gaaro oo qofkasta oo Soomaaliyeed uu u istaago sidii carruurta agoonta ah looga qeyb gelin lahaa farxadda munaasabadda ciidda.
Xildhibaan Bashiir Cadow Cali oo gaba gabadii ka hadlay madasha ayaa umahad celiyay xisbigan deeqda garsiiyay carruurta agoonta ah.
Deeqdaan ayaa ku soo aadayso xilli maanta oo kale dalalka Muslimiinta ay u aqoonsadeen Maalinta Agoonta Islaamka.
Sawir Qaade:- Maxamed Cabdullaahi Maxamed (Feereysane)
