Xoghayaha guud ee Golaha Shacabka Baarlamaanka Jamhuuriyadda Federaalka Soomaaliya mudane Cabdiraxmaan Muxumed Cabdulle ( Jaabiri ) ayaa maanta kulan la qaatay ku xigeenka Ergeyga Qaramada Midoobay u qaabilsan Kaalmaynta Soomaaliya Marwo Anita Kiki Gbeho.
Kulanka Ku-xigeenka QM iyo Xoghaya guud ee Golaha Shacabka ayaa looga hadlay arrimaha horumarinta Golaha Shacabka BJFS, tababarada howl-wadeenada iyo Xildhibaannada, shuruucda hortabinta u leh Qaranka, dib u eegsita dastuurka KMG ah iyo wadashaqeynta Golaha Shacabka iyo hay’adaha Qaramada Midoobay.
Xoghaya guud ee Golaha shacabka waxaa kulanka ku weheliyay Howlwadeeno ka tirsan Golaha iyo Khuburo lashaqeeya Xafiiska Xogahayaha, Dhanka Ku-xigeenka ergayga QM. ee Soomaaliya waxaa ku waheliyay Madaxa Hay’adda UNDP Somaaliya iyo saraakiil ka socotay xafiiska UNSOM.
