Xoghaya Guud ee Maamulka Gobolka Banaadir Mudane Feysal Carale Afrax ayaa maanta ka daah-furay tababar xarunta dhallinyarada Gobolka Banaadir, tababarkaan oo cinwaankiisu ahaa fikradaha Shaqada, caqabadaha iyo fursadaha shaqaalaha Bulshada ayaa waxaa ka soo qeyb galay oo ka faa’iideystay qaar ka mid ah dhalinyarada jaamacadah iyo degmooyinka Gobolka Banaadir.
Xarunta dhallinyarada oo ah goob loogu adeego dhallinyarada ayaa waxaa tababarkan ka faa’iideystay ku dhawaad 50 dhallinyaro ah, Xoghayaha guud ee Maamulka Gobolka Banaadir Mudane Feysal Caraale Afrax oo la hadlay dhallinyarada ayaa ku amaanay sida ay ugu faa’iideystaan fursadaha aqooneed iyo mida xirfadeed ee xarunta dhalinyarada ka dhaca sida ay ugu faa’iideyteen.
Tababarkan ay ka faa’iideysteen dhallinyarada ayaa waxaa bixinayay Agasime Ku-xigeenka Waaxda dad dhigista Mudane Cabdullaahi Maxamed Axmed Ganoood, iyadoo dhalinyarada ay ka faa’iideysteen qibradiisa iyo waaya-aragnimadiisa.
Ugu danbeyntii, Gudoomiyaha Dhallinyarada Gobolka Banaadir Mudane Cabdikafi Maxamuud Makaraan ayaa dhallinyarada ku dhiiri geliyay in ay ugu faa’iideeyaan bulshada inteeda kale oo aan jaaniska uhelin fursadaan.
