Xoghayaha Guud ee Qaramada Midoobay Antonio Guterres oo ka hadlay walaaca ku saabsan xaaladda deg degga ah ee dalka Itoobiya.
โWaxa uu aad uga walaacsanahay rabshadaha sii kordhaya ee Itoobiya iyo ku dhawaaqista xaalad degdeg ah oo dhowaan lagu soo rogay,โ Afhayeenka Madaxa Qaramada Midoobay, Stephane Dujarric, ayaa bayaan ku yiri. โXasiloonida Itoobiya iyo guud ahaan gobolka ayaa halis ku jira.โ
Related posts
Xaaladda degdega ah ayaa timid kadib shir aan caadi ahayn oo ay yeesheen golaha Wasiirada xili ay sii kordhayaan iska horimaadyada ay kula jiraan jabhada Tigray (TPLF) iyo Jabhada Oromada ee Shene (OLA-shene).
Dawladda Itoobiya ayaa ku dhawaaqday xabbad-joojin hal dhinac ah 29-kii Juun, waxayna kala baxday ciidamadeeda Tigrayga, ka dib ciidammada fallaagada ayaa isku fidiyay gobollada ay dariska yihiin ee Amxaarada iyo Canfarta.
Malaayiin qof ayaa ku barakacay colaadda, sida ay sheegtay Qaramada Midoobay, iyadoo ka digaysa masiibo biniโaadantinimo.
โGuterres ayaa ku celceliyay baaqiisa ku aadan in si deg deg ah loo joojiyo colaadda, gargaar beniโaadanimo oo aan xadidneyn si loo gaarsiiyo gargaar nafo lagu badbaadinayo oo deg deg ah, iyo wadahadal Qaran oo loo dhan yahay si loo xaliyo dhibaatadan loona abuuro aas aaska nabadda iyo xasiloonida dalka oo dhan,โ ayuu hadalkiisa raaciyay afhayeen Dujarric.
