Duqa Degmada Gaalkacyo ee Galmudug Cabdiraxmaan Sheekh Xasan iyo sii hayaha xilka Guddoomiyaha dagmada Galkacyo ee Puntland Maxamuud Cabdinuur Aadan ayaa Maanta ka wada qeyb galay kulan looga hadlayay amniga iyo nabad galyada Degmada Gaalkacyo.
Kulanka ayaa intii uu socday waxaa goobjoog ka ahaa Saraakiisha laamaha Amniga Galmudug iyo Puntland, waxaana diiradda lugu saaray dhacdooyin dhawaan ka dhacay Magaalada Gaalkacyo iyo muranka ka dhasha lahaan shaha dhulka oo muddooyinkii danbe ka jiray Magaalada Gaalkacyo iyo Naxaawigeeda.
Duqa Degmada Gaalkacyo ee Galmudug Mudane Cabdiraxmaan Sheekh Xasan ayaa ku bogaadiyay Saraakiisha laamaha Amniga sida ay ugu howlan yihiim xoojinta amniga iyo dar dar galinta howlaha lugu sugayo amniga Degmada Gaalkacyo.
