Wararka naga soo gaaraya Tuulooyinka Gars-yaani iyo Booco ee bariga Gobolka Hiiraan ayaa sheegaya in ay halkaasi ku dagaallamaeen Dadka degaannadaasi ku dhaqan iyo Malleeshiyo ka tirsan Al-Shabaab.
Dadka degaannadaasi oo ay warbaahinta Qaranka la xiriirtay ayaa sheegay in uu halkaasi jab xooggan kasoo gaaray Al-Shabaab oo duullaan kusoo qaaday Shacabka halkaasi ku dhaqan, iyagoo intaa raaciyay in ay arkeen qaar ka mid ah meydadka Malleeshiyada.
Xiisaddan ayaa ka dhalatay, markii ay Kooxda Al-Shabaab isku dayeen in ay si xoog ah Xoolo iyo dhaqaale kale ugu qaadaan Dadka halkaasi ku nool, taas oo ay ku sheegeen in ay tahay Zakawaad.
Sidoo kale, Dadka halkaasi ku dhaqan ayaa sheegay in ay dhibaatada noocan ah ku hayaan Kooxdu dhammaan degaannada Miyiga iyo Tuulooyinka ku yaalla Webiga hareerahiisa, balse ay Shacabku billaabeen in ay iska dhiciyaan, aadna loogu tabaabusheysay la dagaallanka argagixisada.
Degaanada yar ee ay kaga sugan yihiin Gobolka hiiraan Maleeshiyada Shabaab ayaa waxaa ay ka billaabeen uruurin dhaqaale iyo in ay qaataan Gaadiidka ay iyaga doonayaan, taasi oo keentay in Dadka halkaasi ku dhaqan ay la dagaallamaan.
