Xubnaha joogtada ah ee Labada Aqal ee Baarlamaanka Soomaaliya ku matala Baarlamaanka Adduunka oo uu hoggaaminayo Guddoomiye ku-xigeenka 2-aad ee Golaha Shacabka Xildhibaan Cabdullaahi Cumar Abshirow, ayaa ka qayb galay shirka Baarlamaanka Adduunka (IPU) ee lagu qabtay Magaalada Marakesh ee Dalka Morocco.
Shirkan oo socday muddo saddex maalmood ah isla markaana ahaa fadhigii 147-aad ee Baarlamaanka Adduunka (Inter-Parliamentary Union) ayaa si wadajir ah u waxaa u qabtay Baarlamaanka dowladda Morocco iyo Baarlamaanka Adduunka, kaasi oo looga hadlayay horumarinta Baarlamaannada.
Shirka waxaa Soomaaliya uga qayb galay Shanta Xildhibaan ee Baarlamaanka Soomaaliya Labadiisa Aqal ku matala Baarlamaanka Adduunka oo ay ka mid ahayd Senator Zamzam Daahir Maxamuud.
