Aqoon darsigan oo ku saabsan Xoojinta nidaamka Caafimaadka iyo maamulkiisa ayaa lagu darsayaa mawaadiic kala duwan oo ay kamid yihiin Nidaamka Caafimaadka iyo sida lagu horumarin karo, waxa ay Soomaaliya ka baran karto nidaamka Caafimaadka Dalka Shiinaha, sida loo maamulo Cudur dillaacyada, Isticmaalka Tiknoolajiyadda adeeg bixinta Caafimaadka, Nidaamka xogto iyo baadi goobka Cudurrada, nidaamka maamulka Tallaalka iyo qayba kale oo badan.
Xubnaha ka qayb galaya aqoon daraska ayaa isugu jiro Agaasimayaasha waaxyaha Wasaaradda Caafimaadka Fadaaraalka, la taliyayaal sare, Agaasimaha Isbitaalka Demartiino, Madax qeybeedyo ka tirsan Wasaaradda Caafimaadka iyo daryeelka bulshada Xukuumadda Federaalka Soomaaliya, Agaasimayaasha guud ee Wasaaradaha Caafimaadka Dowlad Goboleedyada, Agaasimaha Caafimaadka Gobolka Banaadir, xubnaha ka ah Dowladda Federaalka, iyo xubno kale.
Aqoon daraska oo socon doono muddo sedax Asbuuc ah ayaan waxaa ku lamaansan booqashooyin goobo Caafimaad iyo Hey’adaha adeegyada Caafimaada, sida Isbitaallo, iyo Hey’adda China CDC, si xubnaha ka socda qeybta Caafimaadka Dalka u helaan aqoon iyo khibrado dheeraad ah oo ku filan taasoo fududeynaysa la jaan qaadida horumarka xowliga ku socda ee Caafimaadka aduunka oo dhan.
Munaasabadda Furitaanka aqoon daraska waxaa goob joog ka ahaa Mas’uuliin ka socotey Safaaradda Soomaaliya ee Wadanka Shiinaha, waxaana tababarkan hirgeliyey Wasaaradda Ganacsiga dalka Shiinaha iyadoo uu fulinayo Commissionka Caafimaadka dalka Shiinaha.
