Xubnahaan ka tirsanaa golaha Wasiirada dowlad gobaleedka Puntland oo uu hogaaminayay Wasiirka Wasaaradda Maaliyadda Maxamed Cabdiraxmaan Dhabancad kuwaas oo uu ka mid ahaa Wasiirka Wasaaradda Gaargaarka Puntland Cabdulaahi Cabdi Xirsi ayaa kulan kula qaatay magaalada Gaalkacyo maamulka gobalka Mudug kan dagmada Gaalkacyo ganacsatada iyo waxgarad
Wafdigaan oo ujeedka imaanshahooda Gaalkacyo uu la xariiray sidii la isaga kaashan lahaa xaaladaha dag daga ah iyo arimaha Beni’aadannimo ee ka dhaahay roobabkii xooganaa ee 5 tii bishan ka da’ay Gaalkacyo waxaana masuuliyiintaan soo gaaray Gaalkacyo ay kormeer ku sameeyeen qeybo ka mida xaafadaha daanta waqooyi ee Galkacyo, kuwaas oo ay ka socdeen dadaalo uu waday maamulka dagmada, isla markaana ku aadanaa furista goobo badan oo ay kusoo rogmadeen daadadka
Sidoo kale Wafdi ayaa gaaray isbitaalka guud ee Gaalkacyo ee Puntland oo ka mida goobaha ay go’doomiyeen daadadku ayay warbixino la xariira saameeynta roobabka ka dhageeysteen maamulka isbitaalka
Markii uu soo idlaaday koormeerku ayaa waxaa ugu horeyn la hadlay warbaahinta Gudoomiyaha Gobalka .Mudug Feysal Sheekh Cali iyo Wasiirka Wasaaradda Gaargaarka Puntland Cabdulaahi Cabdi Xirsi oo si wadajir ah ku baaqay in oaga qeybqaato dhismaha goobaha ku burburay fatahaadda roobabkii ka da’ay Gaalkacyo.
