Ra’iisul Wasaaraha Xukuumadda Federaalka Soomaaliya Mudane Xamse Cabdi Barre, ayaa ka qeyb galay munaasabad lagu taageerayey Xukuumadda oo ay soo qaban-qaabiyeen qaar kamid ah bulshada Caasimadda.
Waxgaradka iyo bulshada qeybaheeda kala duwan ee munaasabadda hadalka ka jeediyey, ayaa tilmaamay sababta ay madashan u qabteen, iyo sida ay ugu qanacsan yihiin Xukuumadda cusub, si loo sii ambaqaado daadaallada ku aaddan horumarka dalka.
Ra’iisul Wasaare Xamse ” Waxaan u mahadcelinayaa Madaxdii,Waxgaradkii,Haweenka,Dhalinyaradda,dhammaan Ummaddii Soomaaliyeed ee kasoo qeyb gashay xafladaan, Waxaayna xukuumaddayda ay dadaalkeeda isugu geyn doonto sidii bulshada Soomaaliyeed meel walba oo ay joogaan loo gaarsiin lahaa adeegga dowladda.”. Ayuu yiri amse Cabdi Barre.
Ra’iisul Wasaaraha “ Waxaa dalka jiro abaaro ba’an oo saameeyey nolosha in ka badan hal milyan oo Soomaali ah, una baahan gurmad, Waxaan ugu baaqayaa ganacsatada iyo guud ahaan cid walba oo gacan ka geysan karta ”. Ayuu yiri amse Cabdi Barre.
Munaasabadda waxaa sidoo kale, ka qayb galay Ra’iisul Wasaare ku xigeenka, Wasiirro, Duqa Magaalada Muqdisho, Agaasimiyaal, Odayaasha Dhaqanka, Haween, dhallinyarro iyo qeybaha kale ee bulshada.
