Xukuumadda Federaalka Soomaaliya ayaa shacabka ugu baaqday inay bixiyaan canshuurta si ay gacan uga geysato horumarinta dakhliga Dowladda.
Wasiirka Warfaafinta Xukuumadda Federaalka Soomaaliya mudane Maxamed Cabdi xayir “Maareeye” ayaa hadalkaan ka sheegay kulanka Golaha Wasiiradda ee uu shir gudoominayay Madaxweynaha Mudane, Xassan Sheekh Maxamuud
“2012-kii markii dowladda uu Madaxweynaha ka yahay Xasan Sheekh ay xilka qabaneysay, daqliga dowladda ee gudaha ka hesho waxa ay ahayd wax yar 30 milyan halka haddana uu ka yahay in ka badan 112 milyan, daqliga dowlada kolkii hore waxa uu ahaa 40 milyan, halka hadda uu sanadkii yahay 200 milyan, dowladdu isku tashi ayay gaartay, marka waxaa la qaatay in la isku tashado, dakhliga dowladda waxaa lagu saleeyay wax soo saarka gudaha ee dalka, ciidanku waxa ay u taaganyihiin xaqiijinta amniga, marka shacabka waxaa laga rabaa inay is garab istaagaan dowladooda, ganacstaduna ay bixiyaan canshuurta” ayuu yiri Wasiirka Warfaafinta.
Wasiirka Warfaafinta, Dhaqanka iyo Dalxiiska ayaa beesha caalamka ugu baaqay inay maalgeshi ku sameystaan gudaha dalka, isla markaana ay Xukuumaddu dhiiri gelineyso shirkadaha daneynaya inay maalgeshadaan gudaha dalka.
