Tartanka Kubadda cagta Dowlad Gobolleedyada iyo Gobalka Banaadir oo maanta la cayaaray kulanka kama dambeysta ah ayaa waxaa isaga hor yimid Xulalka Hirshabeelle iyo Galmudug.
Tuulada Cayaaraha ee Muqdisho oo ka dhaceysay cayaarta ayaa waxaa u soo daawasho tegay taageerayaal aad u fara badan oo ka kala yimid degmooyinka Gobalka Banaadir iyo deegaannada ku xeeran.
Labada Xul ayaa cayaarta soo bandhigay kubad ku dhisan weerar iyo weerar celis, waxaana cayaarta waqtigii loogu talagalay ay ku soo idlaatay barbaro dhac 0-0.
Xulka Galmudug ayaa ugu dambeyn koobka ku qaaday rigooreyaal, sidaas ayayna ku noqdeen xulka sanadkan ku guuleystay tartankii socday.
