Tartanka kubadda cagta dowlad Goboleedyada iyo Gobalka Banaadir ayaa galabta kulan ka tirsan wareegga afar dhamaadka waxaa isku arkay labada Xul ee Banaadir iyo Galmudug.
Kulanka ayaa waxaa u soo daawasho tegay dadweyne aad u fara badan oo ka kala yimid degmooyinka Gobalka Banaadir iyo deegaannada ku xeeran, waxaana si aad ah loo sugay amniga garoonka iyo waddooyinka soo gala.
Labada Xul ee Banaadir iyo Galmudug ayaa galabta soo bandhigay cayaar aad u xamaasad badan, taasi oo ku dhisneyd weerar iyo weerar celis, waxaana waqtigii loogu talagalay cayaarta ay ku soo idlaatay barbaro dhac 0-0. Waxaana Xulka Galmudug ay Kulanka finalka u gudbeen kolkii ay rigooreyaal kaga adkaadeen dhigooda Xulka Gobalka Banaadir.
Kulanka finalka ayaa waxaa 27ka bishan isku arki doona Xulalka Hirshabeelle iyo Galmudug.
