Munaasabadaan oo aay goobjoog ka ahaa Wasiiru-dowlaha Wasaaradda Caafimaadka Dr. Maryama Maxamed Xuseen, agaasimaha isbitaalka Dr. Maxamed Cabdiraxmaan Jaamac, madaxa kalkaaliyayaasha isbitaalka Hilaal Maxamed Nuur, madaxa dhaqaatirta Dr. Siciid Cabduqaadir, ururada bulshada, Xildhibaanada aqalka sare ee baarlamaanka, saraakiil ka socotay Hay’adda SoDMA iyo mas’uuliyiin kale oo badan.
Iyadoo ay tahay sanad guuradi 23-aad ee kasoo wareegtay markii dib loo furay Isbitaalka Madiina ayaa waxaa halkaas ka hadlay masuuliyiintii ka soo qeeybgashay munaasabada oo aad ugu dheeraaday taariilkhda isbitaalka Madiina.
Ugu danbeeyntii, waxaa xafalda soo xiray Wasiiru-dowlaha Wasaaradda Caafimaadka Dr. Maryan oo aad uga warbixisay marxaladihii uu soo maray isbitaalka una mahadcelisay Hay’adda ICRC, Ciidanka Booliska Soomaaliyeed iyo Wasaaradda caafimaadka oo hiil iyo hooba lagarabtaagnaa isbitaalka Madiina.
Wasiiru-dowlaha Wasaaradda caafimaadka ayaa gudoonsiiyay abaalmarino shaqaalihii ugu fiicnaa isbitaalka Madiina sanadkii lasoo dhaafay.
