Munaasabad lagu weynaynayo maalinta caalamiga ah ee dhalinyarada oo ay ka qeyb galeen Madaxda dowladda ayaa maanta lagu qabtay Muqdisho.
Agaasimaha guud ee Wasaaradda dhalinyarada Daahir Cabdi Cabdullaahi oo la hadlay Radio Muqdisho ayaa sheegay in madax fara badan ay iminka goobta ku suganyihiin, isla markaana qorshuhuna ay tahay sidii loo weyneyn lahaa xuska maalinta caalamiga ah.
Agaasimaha ayaa ugu baaqay dhalinyarada ay marin habaabiyeen maleeshiyada Al-Shabaab inay ka faa’iideystaan cafiska ay dowladda u fidisay, isla markaana ay isku soo dhiibaan gacanta hay’adaha amniga.
