Raโiisul Wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre, oo ka qeyb-galay munaasabad ay ku qalinjabinayeen arday Soomaaliyeed oo Jaamacadda SIMAD ka dhammaystay waxbarashada heerka labaad ee jaamacadda, ayaa kula dardaarmay in ay dalka iyo dadka uga faaโiideeyaan aqoonta ay barteen.
Raโiisul Wasaare Xamsa, ayaa ugu horreyn hambalyo u diray maamulka iyo ardayda Jaamacadda SIMAD, dadaalkii dheeraa ee ay u dhabar-adeygeen si ay u gaaraan heerkan ay maanta joogaan, isaga oo ku amaanay doorka ay ka qaadanayaan casriyeenta waxbarashada sare ee dalka.
Raโiisul Wasaaraha, ayaa sheegay in Jaamacadda Simad ay qeyb lixaad leh ka qaadatay hirgelinta manhajka waxabarashada, cilmi baarisyada wax-tarka u leh bulshada iyo soo-saarist arday ku hubeysan xirfad iyo aqoon tayo sare leh.
โMaanta waxa idiin furmay albaab cusub oo aqoonneed, haddii waxa aad soo barateen iyo marka aad albaabkaas gashaan is-khilaafaan waa dhibaato weyn, haddii ay waxbarashadu qofka beddeli waydo, oo sidiisii iska ahaado, wixii uu samayn jiray wali sii samayanayo waxbarashadaasi qofka ma daginโ. Ayuu yiri Raโiisul Wasaare Xamsa Cabdi Barre.
Mudane Xamsa, ayaa xusay in Ardayda maanta qalin-jabinasa ay xaqiijiyeen hadaf weyn oo ay lahaayeen taasina ay ku timid samirka ardayda iyo waalidka iyo dadaalka macallimiinta wax-soo-baray.
